ფიდეს მხარდაჭერით და ლატვიის ჭადრაკის ფედერაციის ორგანიზებით 9 ოქტომბრიდან 7 ნოემბრამდე იმართება საერთაშორისო ბავშვთა საჭადრაკო ფესტივალი "ChessYes". 8, 10, 12 და 14 წლამდე ბავშვთა ონლაინ ტურნირები ჩატარდება საერთაშორისო ონლაინ პლატფორმა lichess.org - ზე. პირველი, საკვალიფიკაციო ეტაპი ტარდება შვეიცარიული სისტემით 9 ტურად, ხოლო ფინალური ეტაპი კი 16 მონაწილეს შორის ნოკაუტ სისტემით. ორივე ეტაპის ტურნირებში დროის კონტროლია 5 წუთი პარტიის ბოლომდე, ყოველს სვლაზე 3 წამის დამატებით.
