საერთაშორისო ონლაინ პლატფორმა tornelo.com - ზე 16 - 22 მაისს იმართება თბილისის ონლაინ ჩემპიონატი 10 წლამდე ჭაბუკთა და გოგონათა შორის. ჩემპიონატში მონაწილეობს 44 ჭაბუკი და 21 გოგონა. ტურნირი ტარდება შვეიცარიული სისტემით 7 ტურად. საპრიზო ადგილებზე გასული მოჭადრაკეები დაჯილდოვდებიან დიპლომებითა და მედლებით, ხოლო პირველ ადგილზე გასულ ჭაბუკს და გოგონას ასევე გადაეცემა თასები. ტურნირის მიმდინარეობას აკვირდება სამართლიანი თამაშის წესების დაცვის კომისია. ყოველდღიურად ტარდება 1 ტური და თითოეული მოჭადრაკეს აქვს 25 წუთი პარტიის ბოლომდე ყოველ სვლაზე 5 წამის დამატებით.