20 თებერვალს სტარტს აიღებს საქართველოს კადეტთა სასკოლო ჩემპიონატი 9, 11 და 13 წლამდე ჭაბუკთა და გოგონათა შორის. ჩემპიონატი იმართება 3 ეტაპად: საქართველოს ონლაინ თასი, საქართველოს ონლაინ გრან-პრი და საქართველოს სუპერფინალი. საქართველოს თასი და გრანპრი ჩატარდება ონლაინ პლატფორმა tornelo.com - ზე, ხოლო სუპრეფინალი კი თბილისის ჭადრაკის სასახლეში. ჩემპიონატის საპრიზო ფონდში ფულადი პრიზები განსაზღვრულია როგორც მოჭადრაკეებისთვის, ასევე მწვრთნელებისთვის და შეადგენს 8100 ლარს.