3 - 13 იანვარს თბილისის ნონა გაფრინდაშვილის სახელობის ჭადრაკის სასახლეში გაიმართება საქართველოს ვაჟთა 82-ე ჩემპიონატის უმაღლესი ლიგა. ჩემპიონატში მონაწილეობს 10 მოჭადრაკე და ტარდება წრიული სისტემით. ჩემპიონატის საპრიზო ფონდი შეადგენს 30 000 ლარს.

გილოცავთ შობა-ახალ წელს!

გისურვებთ ჯანმრთელობას, კეთილდღეობას,

ბედნიერებასა და წარმატებებს!

25 - 30 დეკემბერს ყაზახეთში იმართება ვაჟთა და ქალთა მსოფლიო ჩემპიონატი სწრაფ და ელვისებურ ჭადრაკში. ვაჟთა ჩემპიონატის საპრიზო ფონდი შეადგენს 700 000, ხოლო ქალთასი კი 300 000 აშშ დოლარს. ჩემპიონატზე მსოფლიოს უძლიერესი მოჭადრაკები მონაწილეობენ,

23 დეკემბერს ნონა გაფრინდაშვილის სახელობის ჭადრაკის სასახლეში ჭადრაკის ფედერაციის საანგარიშო-საარჩევნო ყრილობაზე პრეზიდენტად აკაკი იაშვილი აირჩიეს. აკაკი იაშვილი ოთხი წლის განმავლობაში იკავებდა ფიდე-ს ვიცე-პრეზიდენტის პოსტს, ამჟამად კი ამავე ორგანიზაციის განსაკუთრებულ დავალებათა დირექტორია.

23 - 26 დეკემბერს თბილისის ნონა გაფრინდაშვილის სახელობის ჭადრაკის სასახლეში გაიმართება საქართველოს ჭადრაკის ფედერაციის თასის გათამაშება სწრაფ ჭადრაკში 8, 10 და 12 წლამდე ჭაბუკთა და გოგონათა შორის. ტურნირის საპრიზო ფონდი შეადგენს 3000 ლარს. ტურნირი ტარდება შვეიცარიული სისტემით 7 ტურად.

29 დეკემბერს თბილისის ჭადრაკის სასახლეში გაიმართება საახალწლო ღია ტურნირი ელვისებურ ჭადრაკში. ტურნირი ტარდება შვეიცარიული სისტემით 9 ტურად და თითოეულ მონაწილეს მიეცემა 3 წუთი პარტიის ბოლომდე, ყოველ სვლაზე 2 წამის დამატებით. ღონისძიების საპრიზო ფონდი 2200 ლარს შეადგენს.

13 - 22 დეკემბერს თბილისის ნონა გაფრინდაშვილის სახელობის ჭადრაკის სასახლეში გაიმართება საქართველოს ვაჟთა 82-ე ჩემპიონატის პირველი ლიგის და საქართველოს ქალთა მე-80 ჩემპიონატის პირველი ლიგის ტურნირები. ღონისძიება ჩატარდება შვეიცარიული სისტემით 9 ტურად.

5 - 7 დეკემბერს თბილისის ჭადრაკის სასახლეში გაიმართა საქართველოს ვაჟთა და ქალთა ჩემპიონატი ელვისებურ ჭადრაკში - ნინო გურიელის თასი. ჩემპიონატი ჩატარდა შვეიცარიული სისტემით 13 ტურად და მისი საპრიზო ფონდი შეადგენდა 6000 ლარს.

21 - 28 ნოემბერს თბილისის ნონა გაფრინდაშვილის სახელობის ჭადრაკის სასახლეში გაიმართა საქართველოს ჩემპიონატი 2000, 1600 და 1200 რეიტინგ კატეგორიებში. ჩემპიონატი ჩატარდა შვეიცარიული სისტემით 9 ტურად და დაითვალა ფიდეს რეიტინგი. ჩემპიონატის საპრიზო ფონდი შეადგენდა 3000 ლარს.

ქართველმა მოჭადრაკეებმა ბრწყინვალედ იასპარეზეს იტალიაში მსოფლიოს სენიორთა ჩემპიონატზე და 2 ოქროსა და 1 ვერცხლის მედალი მოიპოვეს. 65 წელს გადაცილებულ ქალთა შორის მსოფლიო ჩემპიონის ტიტული სენიორთა შორის მერვედ მოიპოვა ლეგენდარულმა ქართველმა მოჭადრაკემ ნონა გაფრინდაშვილმა.