5 - 7 დეკემბერს თბილისის ჭადრაკის სასახლეში გაიმართება საქართველოს ვაჟთა და ქალთა ჩემპიონატი ელვისებურ ჭადრაკში - ნინო გურიელის თასი - 2023. ჩემპიონატი ტარდება შვეიცარიული სისტემით 13 ტურად. ჩემპიონატის საპრიზო ფონდი შეადგენს 6000 ლარს.

28 ნოემბერს თბილისის ჭადრაკის სასახლეში სტარტი აიღო თბილისის ჩემპიონატმა 16 წლამდე ჭაბუკთა და გოგონათა შორის. ტურნირი იმართება შვეიცარიული სისტემით 7 ტურად. საპრიზო ადგილებზე გასული მოჭადრაკეები დაჯილდოვდებიან დიპლომებითა და მედლებით.

კვირას, 19 ნოემბერს 18:00 საათზე თბილისის ჭადრაკის სასახლეში გაიმართება ტრადიციული საკვირაო XXV ტურნირი ელვისებურ ჭადრაკში. ტურნირი ტარდება შვეიცარიული სისტემით 9 ტურად. ტურნირის საპრიზო ფონდი შეადგენს 500 ლარს.

15 - 22 ნოემბერს თბილისის ნონა გაფრინდაშვილის სახელობის ჭადრაკის სასახლეში გაიმართება საქართველოს ჩემპიონატი 2000, 1600 და 1200 - მდე რეიტინგ კატეგორიებში. ჩემპიონატის იმართება შვეიცარიული სისტემით 9 ტურად. ჩემპიონატის საპრიზო ფონდი შეადგენს 3000 ლარს.

12 - 25 ნოემბერს იტალიაში იმართება მსოფლიო ახალგაზრდული ჩემპიონატი 14, 16 და 18 წლამდე ჭაბუკთა და გოგონათა შორის. ჩემპიონატში მონაწილეობს 90 ქვეყნის 766 მოჭადრაკე,  მათ შორის 10 ქართველი. ჩემპიონატი იმართება შვეიცარიული სისტემით 11 ტურად.

10 - 21 ნოემბერს მონტენეგროში იმართება ევროპის ვაჟთა და ქალთა გუნდური ჩემპიონატი. ტურნირში მონაწილეობს 38 ქვეყნის ვაჟთა და 32 ქალთა გუნდი. ჩემპიონატი იმართება შვეიცარიული სისტემით 9 ტურად.

5 - 12 ნოემბერს ქუთაისში გაიმართება საჭადრაკო ტურნირი "მაია ჩიბურდანიძის თასი-2023". ღონისძიება ტარდება 8, 10, და 12 წლამდე ჭაბუკთა და გოგონათა შორის, ასევე ღია ტურნირი სწრაფ ჭადრაკში. ღონისძიების საპრიზო ფონდი შეადგენს 19000 ლარს.

1 - 8 ნოემბერს თბილისის ჭადრაკის სასახლეში გაიმართება ბუხუტი გურგენიძის თასის გათამაშება 8, 10 და 12 წლამდე ჭაბუკთა და გოგონათა შორის. ტურნირი ტარდება შვეიცარიული სისტემით 7 ტურად და საპრიზო ფონდი შეადგენს 1800 ლარს.

24 ოქტომბერს იტალიაში სტარტი აიღო მსოფლიო სენიორთა ჩემპიონატმა 50+ და 65+ ასაკის მოჭადრაკეთა შორის. ჩემპიონატზე მონაწილეობს 280-მდე მოჭადრაკე. მათ შორისაა მსოფლიო ხუთგზის ჩემპიონი ნონა გაფრინდაშვილი, საერთაშორისო დიდოსტატი ზურაბ სტურუა და საერთაშორისო ოსტატი სოფიკო ტერელაძე.

14 - 27 ოქტომბერს ეგვიპტეში გაიმართება მსოფლიო კადეტთა ჩემპიონატი 8, 10 და 12 წლამდე ჭაბუკთა და გოგონათა შორის. ჩემპიონატში მონაწილეობს 66 ქვეყნის 501 მოჭადრაკე, მათ შორის 6 ქართველი. ჩემპიონატი იმართება შვეიცარიული სისტემით 11 ტურად.