3 ივლისს 12:00 საათზე, zoom - ში გაიმართება საერთაშორისო ოსტატის, 2018 და 2019 წლის საქართველოს საუკეთესო ბავშვთა მწვრთნელის ნიკოლოზ მანაგაძის ლექცია თემაზე - პაიკთა სტრუქტურა. ლექციას დაესწრებიან 8-14 წლამდე ასაკის საქართველოს ნაკრების წევრები და კანდიდატები. მსგავსი ლექცია 28 ივნისს უკვე გამართა საერთაშორისო ოსტატმა დავით ზარქუამ. ივლისში მოზარდებისთვის ლექციას ასევე გამართავენ სხვა გამოცდილი და კვალიფიციური მწვრთნელები: გიორგი მაჭარაშვილი, დავით გურგენიძე, ხვიჩა ბახტაძე.
