30 ივნისს ნონა გაფრინდაშვილის სახელობის ჭადრაკის სასახლეში გაიმართა საქართველოს სასკოლო გუნდური ჩემპიონატი ჭადრაკში. ჩემპიონატის გამარჯვებული და მსოფლიოს სასკოლო გუნდური ჩემპიონატის საგზურის მფლობელი გახდა თბილისის თავისუფალი სკოლის გუნდი. მეორე ადგილი დაიკავა ქუთაისის 21-ე საჯარო სკოლის გუნდმა. მესამე ადგილი ერგო ახალციხის პირველ საჯარო სკოლის გუნდს.